Transcription
1
Monsegneur hyer, XIIe de ce moys, nous receumes voz depeches
2
du dernier jour de lannée passée et du IIIIe jour de ce moys.
3
Le plus important dicelles est le faict de labbaye St Sernin. Il
4
me sembla sourdain que la procuration de monsieur de St Sernin estoit
5
necessaire pour sen demettre ez mains du roy ainsi que fut faict
6
pour son eveché d’Apt, plustost que den poursuivre la depeche
7
en ceste cour pour envoyer à Rome sur une incapacité, laquelle
8
semble debvoir estre exprimée, que seroit chose odieuse en ceste
9
cour et encor plus en celle de Rome. Nous en somme allé parler
10
ce matin à monsieur de Villeroy, lequel a trouvé ce moyen trop
11
meilleur davoir une procuration de mondit segneur de St Sernin pour
12
resigner et remettre sadite abbaye ez mains du roy ainsi quil fit
13
leveché d’Apt que de prendre la nomination du roy par son incapacité.
14
Jay bien mis en advant à monsieur d’Evènes la difficulté que mondit
15sieur de St Sernin [barré : en ] pourroit faire de passer ladite procuration,
16
mais il s’asseure quil nen fera aucune. Par cela, monsieur,
17
nous vous en avons voulu advertir promptement afin de y pourvoir
18
du moins en avoir votre response advant que de parler
19
d’estre exempté de lannatte ny faire autre poursuitte
20
sur ce faict. Mondit sieur d’Evènes attendoit de partir ce
21
jour mesme pour son voyage avec monsieur de Laval, messieurs
22
de Vanse, du Monestier, de Combaud, et quelzques autres.
23
Mais lung deulx, qui nest pas prest, les a prié dattendre
24
iusques au XIIIIe. Je recevray en son absence votre depeche
25
et satisferay à icelle de tout mon pouvoir vous pourrés
26
renoveller vos lettres. Monsieur d’Evènes men envoyera du camp
27
de la part de Monsegneur et de monsieur de Nevers
28
pour accompagner la depeche du roy à Rome. Je vous
29
advertissois de par mes dernières lettres du VIIIe comment
30Monsegneur /° [/° et monsegneur le duc] devoit partir le Xe ce quil fit. Le roy les [barré : s ] accompagna
31
[35 v°] jusques à Estampes. Le roy de Navarre, monseigneur le prince
32
de Condé, messegneurs de Guyse et grand prieur [mots barrés]
33sont avec [barré : Monsegneur ] mesdits segneurs. Monsegneur d’Aumale part demain
34
aller après ; monseigneur de Longueville les attend ; il y a long temps
35
sur les chemins quon a faict mort en ceste ville monsieur le
36
marechal de Tavannes. Mais cest quil est bien fort malade
37
à Chatre soubz Montlery. Messieurs d’Evènes ^ [^ et de Laval] prendroit
38
le Xe congé de la royne estant dans le lict, mais esperant
39la voir demain manger en sa [barré : ta ] salle et sans grande presse.
40
Vous madvertirés si i’attendray la procuration de monsieur votre
41
frère ou bien si ie passeray oultre. Monsegneur le cardinal
42
de Lorraine n’est encor arrivé, bien est-il fort près de
43
ceste ville. Jay faict response à monsieur de La Coste dans
44une depeche que [barré : iay ] ne vous ay faict par lhomme de
45
madamoiselle Dabene du IIIe de ce moy. Je presente mes
46
très humbles recommandations à votre bonne grace, priant
47
Dieu,
48
monseigneur, vous donner très longue et heureuse vie.
49De Paris, ce XIIe [barré : d ] Janvier 1573
50
Votre très humble serviteur
51
So. de Boczosel